"Тоттенхэм" ҳали "Лейпциг" клубига тегишли бўлган ҳужумчи Тимо Вернернинг келажаги борасида якуний қарорга келгани йўқ.
Журналист Фабрицио Романонинг сўзларига кўра, Лондон клуби немис футболчисини 17 миллион еврога сотиб оладими ёки йўқми, ҳозирча билмайди.
Қайд этилишича, "Тоттенхэм" футболчидан мамнун, Вернернинг ўзи эса "Лейпциг"га қайтишни режалаштирмаяпти.
Жорий мавсумда 28 ёшли Вернер "Тоттенхэм" сафида 7 та ўйин ўтказиб, битта гол урди ва иккита голли узатмани амалга оширди.
Transfermarkt портали Германия терма жамоаси футболчисини 17 миллион еврога баҳоламоқда.
Англия чемпионатининг жорий мавсумида ўтказилган 26 ўйиндан сўнг, "Тоттенхэм" 50 очко билан турнир жадвалида бешинчи ўринда бормоқда.
