"Tottenxem" hali "Leypsig" klubiga tegishli bo‘lgan hujumchi Timo Vernerning kelajagi borasida yakuniy qarorga kelgani yo‘q.

Jurnalist Fabrisio Romanoning so‘zlariga ko‘ra, London klubi nemis futbolchisini 17 million yevroga sotib oladimi yoki yo‘qmi, hozircha bilmaydi.

Qayd etilishicha, "Tottenxem" futbolchidan mamnun, Vernerning o‘zi esa "Leypsig"ga qaytishni rejalashtirmayapti.

Joriy mavsumda 28 yoshli Verner "Tottenxem" safida 7 ta o‘yin o‘tkazib, bitta gol urdi va ikkita golli uzatmani amalga oshirdi.

Transfermarkt portali Germaniya terma jamoasi futbolchisini 17 million yevroga baholamoqda.

Angliya chempionatining joriy mavsumida o‘tkazilgan 26 o‘yindan so‘ng, "Tottenxem" 50 ochko bilan turnir jadvalida beshinchi o‘rinda bormoqda.