Германия терма жамоаси бош мураббийи Йоахим Лёв Мюнхеннинг «Бавария» клубида иш бошлаши кутилаётган мураббий Хосеп Гвардиоланинг бўлажак фаолияти ҳақида ўз фикрларини билдириб ўтди, дея хабар беради немис матбуоти.
«Вазиятни бу даражада бўрттириб гапириш керак мас. Жуда узоқ муддат давомида халқаро майдонда ютиб бўлмайдиган жамоа бўлмаган. Ўша аввалги «Барселона» ҳам бу ишни тўлиқ эплай олмаган. Гвардиола – катта муваффақиятларга эришган ёш мураббий. Аммо у халқаро майдонларда ҳар доим ютқазмайдиган жамоа туза олмайди», — дейди Лёв.