"Вулверхэмптон"нинг ҳужумкор ярим ҳимоячиси Педру Нетуга Англия Премьер-лигаси гигантлари қизиқиш билдирмоқда.
Аввалроқ португалиялик футболчига “Тоттенхэм”, “Арсенал”, “Ньюкасл” ва “Ливерпуль” даъвогарлар сифатида кўрсатилганди. The Telegraph хабарига кўра, 24 ёшли футболчига "Манчестер Сити" ҳам қизиқиш билдирмоқда. Кўп турли позицияларда ўйнашга қодир бўлган "Вулверхэмптон" ҳужуми етакчиси учун курашда "шаҳарликлар"нинг асосий рақиби "Ливерпуль" деб қаралмоқда.
Таклиф этилаётган трансфер нархи 70 миллион евродан ошиши мумкин. Педру Нету жорий мавсумда “бўрилар” сафида 23 та ўйинда майдонга тушиб, 3 та гол ва 11 та голли узатмани амалга оширди.
