"ПСЖ" президенти Носир Ал-Хелайфий жамоа бош мураббийи Луис Энрике ишини юқори баҳолади.
Испаниялик мутахассис ўтган ёзда ўз лавозимини эгаллаган эди. У аллақачон парижликларни Чемпионлар лигасининг чорак финалига олиб чиқишга муваффақ бўлди. Чемпионатда пойтахт жамоаси ишончли тарзда пешқадамлик қилмоқда.
“Мураббийимиз Луис Энрике билан фахрланаман – у ажойиб иш қилмоқда. Гап нафақат натижалар, балки ўйинимиз, стратегиямиз ва янги жамоани қуриш ҳақида ҳам. Шунингдек, мен спорт директоримиз Кампуш билан ҳам фахрланаман, у ҳам ажойиб ишларни амалга оширмоқда. Худди шу нарса футболчиларга ҳам тегишли. Биз жуда мамнунмиз", - дея "ПСЖ" президентининг сўзларини келтиради RMC Sport.
