Opta Sports таҳлилчилари 28-тур натижаларига кўра жамоаларнинг Англия премьер-лигасида чемпионлик учун имкониятларини баҳолашди. Ҳозирги чемпионлик учун "Манчестер Сити" асосий фаворит саналади.
Пеп Гвардиола жамоасининг олтин медални ҳимоя қилиш имконияти 46 фоизга баҳоланмоқда. Рейтингнинг кейинги ўрнида 36 фоиз билан "Ливерпуль" жойлашган. Кучли учликни Лондоннинг “Арсенал” жамоаси якунлаб берди. Микель Артета шогирдларида чемпионлик учун 19 фоиз имконият бор.
28 турдан кейин “канонирлар” 64 очко билан биринчи ўринда бормоқда. “Ливерпуль” худди шундай очколар билан иккинчи ўринда бормоқда. Кучли учликни “Манчестер Сити” (63 очко) якунлаб берди.
