"Ювентус" ярим ҳимоячиси Поль Погба яқинда антидопинг қоидаларини бузгани учун 4 йилга дисквалификация қилинди. Франциялик ҳукмга рози бўлмади ва дарҳол CAS'га мурожаат қилиш ниятини билдирди.
Айни пайтда Погба Медиа лигада ўйнайдиган "Броке Бойс" жамоасидан таклиф олди. Албатта, бундай “трансфер”га ишониш осон эмас.
Лекин қизиқ томони шундаки, Европа ОАВлари Погбанинг Россиядан келган таклифи ҳақида фаол ёзишган. Погбанинг Медиа лигадаги эҳтимолий ўйини ҳақидаги Tuttosport, AS, CalcioMercato, Goal саҳифаларида кўриш мумкин.
Ҳозирда 30 ёшли Пол Погбанинг "Ювентус" билан шартномаси бор. Допинг тарихи туфайли меҳнат шартномаси бекор қилиниши мумкин.
