Италиянинг "Лечче" клуби "Верона"га қарши (0:1) А Сериянинг 28-тури якунида содир бўлган воқеадан сўнг Роберто Д’Аверса жамоа бош мураббийлигидан истеъфога чиққанини маълум қилди. Ҳакамнинг якуний ҳуштаги янграгач, мезбонлар устози ҳужумчи Тома Анрига яқинлашиб, унинг юзига бош билан зарба берди. Эътибор беринг, 90+7-дақиқада Анри майдондан четлатилганди.
"Лечче" – "Верона" учрашуви якунида юз берган воқеалардан сўнг, "Лечче" футбол клуби бош мураббий Роберто Д’Аверса ўз вазифасидан озод этилганини маълум қилади. Мураббий ва унинг ходимларига бажарилган ишлар учун миннатдорчилик билдирамиз", - дейилади клуб расмий сайтида.
Ўтказилган 28 ўйиндан сўнг "Лечче" турнир жадвалида 15-ўринда бормоқда. Жамоа ҳисобида 25 очко бор.
