«МЮ» устози сэр Алекс Фергюсон эртага бўлиб ўтадиган Европа чемпионлар лигаси 1/8 финалининг «Реал»га қарши учрашви ҳақида фикр билдирди.

«Менимча, эртага ҳар икки жамоа ҳам гол уради. Бизнинг вазифамиз эса рақибдан кўра кўпроқ гол уриш.

Бизнинг ўйинимизга эътибор катта. Қаранг машғулотларни ёритиш учун қанча журналистлар ва суратчилар ташриф буюришган. Бу шуни англатмоқдаки, «МЮ» ва «Реал» ўртасидаги учрашув мухлислар учун ҳам жуда муҳим.

Айнан шуни чемпионлар лигаси учрашувларидан кутишади. Бир гапни асло унутманг, эртага футбол тарихидаги энг катта қарама-қаршиликлардан бири бўлади.

Икки жамоа ҳам яхши спорт формасида. «Раел» ўзининг «Барселона»га қарши ўйини билан яхши формада эканини кўрсатиб берди. Шунинг учун эратага жуда яхши ўйин бўлиши керак. Ўйлайманки, ҳеч ким хафа бўлмайди»,- дейди мураббий.