“Ан-Наср” Осиё чемпионлар лигаси чорак финалида “Ал-Айн”га умумий ҳисобда 4:4 (пенальтилар бўйича 1:3) ҳисобида имкониятни бой берди.

Саудия Арабистони жамоаси илк учрашувда 0:1 ҳисобида имкониятни бой берганди.

Жавоб ўйини қўшимча вақтни ҳисобга олган ҳолда 4:3 ҳисобида “Ан-Наср” фойдасига ҳал бўлди. “Ан-Наср” сафида Абдулраҳмон Ғариб, Алекс Теллес ва Криштиану Роналду гол киритган бўлса, “Ал-Айн” дарвозабони Холид Эйса яна бир автогол муаллифига айланди. БАА жамоаси сафида Суфиан Раҳими икки бор гол урган бўлса, яна бир голга Султон Ал Шамсий муаллифлик қилди.

Пенальтилар сериясида “Ал-Айн” 3:1 ҳисобида зафар қучди. БАА клуби учала пенальтини ҳам голга айлантирган бўлса, "Ан-Наср" тўрттадан атиги бир марта гол урди – Саудияликлар сафида Криштиану Роналду гол урди, бироқ Марсело Брозович, Алекс Теллес ва Отавио уларнинг уринишларини голга айлантира олмади.

Осиё чемпионлар лигаси ярим финалида “Ал-Айн” жамоаси “Ал-Ҳилол” – “Ал-Иттиҳод” жуфтлиги ғолиби билан тўқнаш келади.