Каталониянинг "Барселона" клуби ёзда иккита марказий ҳимоячи билан хайрлашмоқчи. Sport.es нашри хабарига кўра, фақат Рональд Араухо ва ёш Пау Кубарси раҳбарият учун дахлсиз.
Қайд этилишича, "Барселона" марказий ҳимоячилардан қайси бирини трансферга қўйиш кераклигини танламоқда. Андреас Кристенсен, Жюль Кунде ва Иньиго Мартинес каби футболчилар ҳам кетишдан ҳимояланмаган.
Ушбу мавсумда бошқа клубларда ижара асосида ўйнаётган Эрик Гарсия ва Клеман Лангле ҳам жамоани тарк этиши мумкин.