Kataloniyaning "Barselona" klubi yozda ikkita markaziy himoyachi bilan xayrlashmoqchi. Sport.es nashri xabariga ko‘ra, faqat Ronald Araujo va yosh Pau Kubarsi rahbariyat uchun daxlsiz.
Qayd etilishicha, "Barselona" markaziy himoyachilardan qaysi birini transferga qo‘yish kerakligini tanlamoqda. Andreas Kristensen, Jyul Kunde va Inigo Martines kabi futbolchilar ham ketishdan himoyalanmagan.
Ushbu mavsumda boshqa klublarda ijara asosida o‘ynayotgan Erik Garsiya va Kleman Langle ham jamoani tark etishi mumkin.
