"Тоттенхэм" яқин 24 соат ичида ҳимоячи Мики Ван де Веннинг чуқур текшируви натижаларини олишни кутмоқда.
Ван де Вен ўтган якшанба куни "Астон Вилла"га қарши ўйиннинг (4:0) иккинчи бўлимида тиззасидан жароҳат олгани учун алмаштирилишга мажбур бўлди.
The Telegraph нашри хабарига кўра, Ван де Вен бугун чуқурлаштирилган кўрикдан ўтмоқда ва 22 ёшли нидерландиялик жарроҳлик амалиётини талаб қилиш эҳтимоли бор.
Жорий мавсумда АПЛнинг энг тезкор ўйинчиси Ван де Веннинг жароҳати ҳар ҳолда "Тоттенхэм"нинг Чемпионлар лигасига йўлланма олиш имкониятига зарба бўлади.
"Тоттенхэм" бош мураббийи Анж Постекоглунинг бахтига Ван де Вен ўрнига тайёр футболчи бор. Гап "шпорлар"гаянварь ойида янги келган Раду Дрэгушин ҳақида кетмоқда.
