12 март, сешанба куни Чемпионлар лигаси 1/8 финалидан ўрин олган яна иккита жавоб учрашуви бўлиб ўтди. “Барселона” “Наполи”ни мағлуб этди (3:1), “Арсенал” эса “Порту”дан пенальтилар сериясида устун келди (1:0, пенальтилар – 4:2).

Шундай қилиб, чорак финалнинг 8 иштирокчисидан 6 таси номи маълум бўлди: "Арсенал", "Барселона", "Бавария", "Пари Сен-Жермен", "Реал" ва "Манчестер Сити".

13 март, чоршанба куни “Атлетико” ўз майдонида “Интер”ни қабул қилади (биринчи ўйин – 0:1), “Боруссия Дортмунд” эса ПСВ билан ўйнайди (биринчи ўйин – 1:1). Ушбу учрашувлар натижаларига кўра, чорак финалнинг яна икки иштирокчиси маълум бўлади.

1/4 финал босқичига қуръа ташлаш маросими 15 март, жума куни бўлиб ўтади. Ушбу босқичнинг дастлабки ўйинлари 9-10 апрель кунлари бўлиб ўтади.