"Ювентус" 2025 йилги клублар ўртасидаги жаҳон чемпионатига йўлланма олди ва мусобақада иштирок этиш уларга камида 50 миллион евро фойда беради.

Сешанба куни "Наполи" Чемпионлар лигаси 1/8 финалида "Барселона"га мағлуб бўлгани "Ювентус"га 2025 йилги клублар ўртасидаги жаҳон чемпионатига йўлланмани туҳфа этди.

Ilbianconero.com хабарига кўра, "бьянконерилар" фақат мусобақада қатнашгани учун камида 50 миллион евро олади. Албатта, келаси йил “бьянконерилар” қанча ўйинда ғалаба қозонишига қараб, сумма ошади.

Мусобақада иштирок этаётган 32 клубнинг мукофот жамғармаси 2,5 миллиард евро атрофида.