Вальдемар Антон Германия терма жамоаси бош мураббийи Юлиан Нагельсмандан чақирув олди.
Футболчини Ўзбекистон терма жамоасига жалб этиш бўйича жиддий уриниш 2021 йил Сречко Катанец томонидан амалга оширилган.
Ўшанда словениялик мутахассис ўзининг собиқ клуби "Штутгарт" қароргоҳига шахсан ташриф буюрган.
Дастлаб Вальдемарнинг агенти футболчи Катанец билан учрашишга тайёр эканлигини маълум қилган. Мураббий Штутгартга етиб келганидан сўнг эса, Вальдемар номаълум сабабларга кўра мураббий билан учраша олмаслиги айтилган. Шу билан Катанец Германияни тарк этган ва бу мавзу бошқа муҳокама қилинмаган.
Олмалиқда туғилган футболчи кейинчалик интервьюларидан бирида Германия терма жамоасидан чақирув олмаса, Россия шарафини ҳимоя қилиш нияти борлигини маълум қилган.
