Мадриднинг “Атлетико” клуби дарвозабони Ян Облак Чемпионлар лигаси 1/8 финалининг “Интер”га қарши жавоб учрашувида энг яхши футболчи деб топилди.
Диего Симеоне шогирдлари асосий ва қўшимча вақтлардан сўнг 2:1 ҳисобида ғалаба қозонишди (умумий 2:2), пенальтилар сериясида миланликларни 3:2 ҳисобида мағлуб этишди. Ўйиндан кейинги пенальтилар қаҳрамони Облак бўлди, у Алексис Санчес ва Дэви Классеннинг зарбаларини қайтарди. “Матрасчилар” чорак финалга йўл олди ва словениялик дарвозабон УЕФА томонидан учрашувнинг энг яхши футболчиси совринини олди.
Ян Облак жорий Чемпионлар лигасида 8 та ўйинда 7 та гол ўтказиб юборди ва икки бор ўз дарвозаси дахлсизлигини сақлаб қолди.
