"Атлетико" ярим ҳимоячиси Родриго Рикельме Чемпионлар лигаси 1/8 финалининг жавоб учрашувида "Интер" устидан қозонилган ғалаба (2:1, пенальтилар бўйича 3:2) ва жамоасининг турнирнинг кейинги босқичига чиқиши ҳақида гапирди.
Рақиблар ўртасидаги илк учрашув миланликларнинг минимал ғалабаси билан якунланганди – 1:0. Асосий вақт тугашига бир неча сония қолганида Рикельме Антуан Гризманнинг узатмасини 11 метрлик белги яқинида қабул қилиб олди ва қийин ҳолатида баланд зарба берди. Пенальтилар сериясида "матрасчилар"нинг словениялик дарвозабони Ян Облак "Интер"нинг иккита зарбасини қайтарди.
"Мен Облакка раҳмат айтдим, чунки у мени сақлаб қолди. Бундай вазиятлардан фойдаланиш керак, энди мен шулар устида ишлайман", - деди Рикельме Marca билан суҳбатда.
