Каталониянинг "Барселона" клуби Чемпионлар лигасининг чорак финалида учрашишни истамайдиган жамоани аниқлади. Mundo Deportivo хабарига кўра, жамоа "Манчестер Сити"га қарши ўйнашни истамаяпти.
Манбага кўра, ҳозирда "Барселона" "шаҳарликлар"ни дунёнинг энг кучли клуби деб ҳисоблайди. Айнан шу сабабдан "кўк-анорранглилар" вакиллари "Манчестер Сити" билан учрашишни исташмаяпти.
Эртага Нён шаҳрида Чемпионлар лигасига қуръа ташлаш маросими бўлиб ўтади. Чорак финалда “Манчестер Сити”дан ташқари “Реал” ва “Атлетико”, “Арсенал”, “ПСЖ”, “Боруссия” ва “Бавария” каби жамоалар ҳам иштирок этишади.
