Kataloniyaning "Barselona" klubi Chempionlar ligasining chorak finalida uchrashishni istamaydigan jamoani aniqladi. Mundo Deportivo xabariga ko‘ra, jamoa "Manchester Siti"ga qarshi o‘ynashni istamayapti.

Manbaga ko‘ra, hozirda "Barselona" "shaharliklar"ni dunyoning eng kuchli klubi deb hisoblaydi. Aynan shu sababdan "ko‘k-anorranglilar" vakillari "Manchester Siti" bilan uchrashishni istashmayapti.

Ertaga Nyon shahrida Chempionlar ligasiga qur’a tashlash marosimi bo‘lib o‘tadi. Chorak finalda “Manchester Siti”dan tashqari “Real” va “Atletiko”, “Arsenal”, “PSJ”, “Borussiya” va “Bavariya” kabi jamoalar ham ishtirok etishadi.