Мадриднинг “Реал” клуби ярим ҳимоячиси Дани Себальос жамоасининг Испания чемпионати доирасидаги “Осасуна”га қарши навбатдаги ўйинини ўтказиб юбориши мумкин. Журналист Мелчор Руизнинг сўзларига кўра, ярим ҳимоячининг мушаклари ҳаддан ташқари толиққан, шу боис унинг дам олиш кунларидаги ўйинда иштирок этиши сўроқ остида.

Себальос бу мавсумда "Реал Мадрид"нинг асосий ярим ҳимоячиси эмас. Барча мусобақалардаги сўнгги 9 ўйиннинг 6 тасида Дани захирадан майдонга тушди.

Жорий мавсумда Дани Испания чемпионатининг 14 учрашувида битта голли узатмани амалга оширган.