Германия терма жамоаси бош мураббийи Юлиан Нагельсманн яқин келажакда қаерда бўлиши ҳақида гапирди. Германиялик мутахассис аввалроқ “Бавария”га қайтиши билан боғлиқ эди. Юлианга Дортмунднинг "Боруссия"си ва Каталониянинг "Барселона" клублари ҳам қизиқиш билдираётган эди.
"Агар Европа чемпионати бошланишидан олдин менга тўлиқ мос келадиган шартнома олсам, уни имзолашим эҳтимоли жуда юқори", деди Нагельсманн матбуот анжуманида.
Юлианнинг Германия терма жамоаси билан амалдаги шартномаси Европа чемпионати якунида тугайди.