Еврокубокларнинг чорак финалида Англиянинг 5 клуби ўйнайди.

Шу ҳафтада Чемпионлар лигаси, Европа лигаси ва Конференциялар лигасида 1/8 финал ўйинлари якунланди. Учала мусобақа чорак финалида Англиядан жами 5 та клуб иштирок этади - бу энг яхши кўрсаткич (Чемпионлар лигасида "Манчестер Сити" ва "Арсенал", Европа лигасида "Ливерпуль" ва "Вест Хэм", Конференциялар лигасида "Астон Вилла").

Италия бу босқичда 4 та жамоа билан (Европа лигасида "Милан", "Аталанта" ва "Рома", Конференциялар лигасида "Фиорентина") иштирок этади.

Испаниянинг учта клуби чорак финалга чиқди - "Реал", "Барселона" ва "Атлетико Мадрид" (Чемпионлар лигасида). Худди шу миқдордаги иштирокчилар Германия (Чемпионлар лигасида "Бавария" ва "Боруссия", Европа лигасида "Байер") ва Франция (Чемпионлар лигасида "ПСЖ", Европа лигасида "Марсель", Конференциялар лигасида "Лилль") шарафини ҳимоя қилади.

Чорак финалда, шунингдек, Грециянинг иккита клуби (ПАОК ва "Олимпиакос" Европа лигасида), Португалия ("Бенфика" Европа лигасида), Туркия ("Фенербахче", Европа лигасида), Чехия ("Виктория Пльзен" Европа лигасида) ва Бельгия ("Брюгге" Европа лигасида) клублари бор.