Англиянинг “Ливерпуль” клуби Европа лигасининг фаворитларидан бири саналади ва жамоа бу мақомини ўз натижалари билан тасдиқлайди. Пайшанба куни клуб Чехиянинг "Спарта" жамоасини 6:1 ҳисобида мағлуб этди. “Ливерпуль”нинг германиялик мураббийи Юрген Клопп ушбу муваффақият ҳақида шундай деди:
"Биз ритмни ушлаб олдик ва интенсив ўйнадик. Йигитларнинг айнан шундай ўйнашини хоҳлардим. Футболдан завқланиш керак. Биз тезда чиройли голлар урдик. Улар менга жуда ёқди. Умуман олганда, биз олдинга боришни, чиройли ўйнашни ва гол уришни истардик - ва ҳаммаси яхши бўлди", - дея Клоппнинг сўзларини келтиради BBC Sport.
“Ливерпуль” охирги марта 2001 йилда турнирда чемпион бўлган.
