Италиянинг “Милан” клуби Европа лигаси 1/8 финалининг иккинчи ўйинида Чехия “Славия”сидан муаммосиз ўтиб, Европа Лигаси фаворитларидан бири эканлигини тасдиқлади.
Шу тариқа, италян клуби ўз тарихида илк бор Европа лигасининг чорак финалига чиқди. Аввалроқ турнирда бунчалик юқори босқичга чиқа олмаган эди.
Шуни таъкидлаш керакки, гап фақат 2009 йил ва ундан кейинги давр, яъни собиқ УEФА кубоги тубдан ўзгартирилиб, бугунги кунга маълум бўлган давр ҳақида бормоқда. УEФА кубогида миланликлар 5 марта чорак финалга чиққан, охирги марта 2001/2002 йилги мавсумда.
