Italiyaning “Milan” klubi Yevropa ligasi 1/8 finalining ikkinchi o‘yinida Chexiya “Slaviya”sidan muammosiz o‘tib, Yevropa Ligasi favoritlaridan biri ekanligini tasdiqladi.

Shu tariqa, italyan klubi o‘z tarixida ilk bor Yevropa ligasining chorak finaliga chiqdi. Avvalroq turnirda bunchalik yuqori bosqichga chiqa olmagan edi.

Shuni ta’kidlash kerakki, gap faqat 2009 yil va undan keyingi davr, ya’ni sobiq UEFA kubogi tubdan o‘zgartirilib, bugungi kunga ma’lum bo‘lgan davr haqida bormoqda. UEFA kubogida milanliklar 5 marta chorak finalga chiqqan, oxirgi marta 2001/2002 yilgi mavsumda.