Ўзаро келишувга кўра, хорватиялик мутахассис Иван Бубало ва унинг мураббийлар штабидаги ёрдамчилари билан тузилган шартнома бекор қилинди. “Бунёдкор” футбол клуби раҳбарияти Иван Бубало ва унинг ёрдамчиларига миннатдорчилик билдиради ва мураббийлик фаолиятига омад тилайди, дейилади клуб ахборот хизмати хабарида.
Маълумки, “Бунёдкор” 17 март куни Суперлиганинг 3-тури доирасида “Навбаҳор”га қарши майдонга тушади. “Қалдирғочлар”ни мазкур беллашувга шу кунга қадар мураббийлар штабида Иван Бубалога ёрдам бериб келган Анвар Ғофуров тайёрлайди. Анвар Хусаинович бош мураббий вазифасини вақтинча бажарувчи лавозимида фаолият юритади.
