"Манчестер Сити" бош мураббийи Пеп Гвардиола "Ньюкасл" ярим ҳимоячиси Бруно Гимарайнш ҳақида фикр билдирди.
Куни кеча хабар қилинганидек, бразилиялик футболчи "шаҳарликлар"нинг трансфер мақсадларидан бири бўлиб турибди;
Гвардиоланинг шахсан ўзи 26 ёшли ярим ҳимоячи билан шартнома имзолашдан манфаатдор. "Ньюкасл"га қарши кубок ўйини олдидан журналистлар испанияликдан Гимарайнш ҳақида сўрашган.
"Ажойиб футболчи. У тажовузкор, тўпда пауза қилишни билади ва белгиланган зоналарда хавфли. "Ньюкасл"нинг улкан режалари бор ва у кўп йиллар давомида ушбу лойиҳанинг бир қисми бўлиб қолишига деярли аминман", - дея Гвардиоланинг сўзларини келтиради инсайдер Фабрицио Романо.
