"Интер" раҳбарияти ҳужумчи Маркус Тюрам бўйича таклифларни кўриб чиқишга тайёр.
Француз футболчиси "нерадзуррилар" сафида ажойиб дебют мавсумини ўтказмоқда, аммо уни ҳозирча дахлсиз деб бўлмайди. FcinterNews хабарига кўра, агар харидорлар 70 миллион евродан кўпроқ пул тўлашга тайёр бўлса, "Интер" Тюрам учун трансфер таклифларини келгуси ёзда кўриб чиқади. Ҳозирда 26 ёшли форвардга даъвогарлар йўқ, бироқ “Интер” унинг ўрнини босадиган номзодни аллақачон топиб қўйган. Бу "Болонья"дан Жошуа Зиркзее бўлади.
Маркус Тюрам жорий мавсумда Симоне Индзаги жамоасида 37 та ўйинда майдонга тушиб, 12 та гол ва 11 та голли узатмага муаллифлик қилган.
