«Лацио» ҳужумчиси Чиро Иммобиле клубни тарк этишни истамоқда. Бу ҳақда Corriere della Sera хабар тарқатди.

Манбага кўра, Маурицио Саррининг истеъфога чиқишида баъзи мухлислар Иммобилени айбдор деб билишади. Шу сабабга кўра, футболчи бир неча марта фанатлар таҳдиди ва ҳужумига учради.

Бундан ташқари, бир неча ойдан бери Иммобиленинг ижтимоий тармоқлардаги саҳифаларига таҳдидлар бўлмоқда.

Бўлиб ўтган воқеалардан сўнг «Лацио» клуби ўз сардорини қўллаб-қувватлашини маълум қилди:

«Лацио» сўнгги кунларда рўй берган хавотирли воқеалар муносабити билан жамоа сардори Иммобиле ва унинг оиласини қўллаб-қувватлайди.

Спорт ва унинг қадр-қимати қуйидагича қолиши керак: ҳар қандай таҳдид ва жисмоний ҳужум қатъий жазога тортилиши керак».