"Реал Мадрид" "Жирона"дан 10 очко олдинлаб кетди.

Ла Лиганинг 29-турида “Лос-Бланкос” сафарда “Осасуна”ни мағлуб этди (4:2), каталонияликлар эса сафарда “Хетафе”га имкониятни бой берди (0:1).

"Жирона" сўнгги 9 учрашувнинг атиги 3 тасида ғалаба қозонган бўлса, Испания чемпионатининг сўнгги 6 ўйинида жамоа 4 та мағлубият аламини тотиб кўрган.

Шу тариқа, "Реал"нинг "Жирона"дан устунлиги 7 очкодан 10 очкога кўтарилди - 62 очкога нисбатан 72 очко.

Учинчи ўринни 61 очко билан "Барселона" эгаллаб турибди, у якшанба куни сафарда тўртинчи ўриндаги "Атлетико Мадрид"га (55) қарши ўйнайди.