Европа чемпионлар лигасининг 1/8 финал учрашувларидан ўрин олган «ПСЖ» ва «Валенсия» қарама-қаршилиги биринчи учрашув натижасига кўра ғолибни аниқлаб берди.

Париждаги ўйинда «ПСЖ» етакчиси Златан Ибраҳимович иштирок эта олмаслиги боис, мезбонларнинг ҳужумдаги имконияти пасайиши табиийдек эди. Бу ўйин мобайнида сезилиб турди. Голларни ҳисобга олмаганда бутун учрашув ўта зерикарли кўриниш олди.

Иккинчи бўлимнинг 10 дақиқаси келиб ўта сокин ўйинни Жонас бузди. Жарима майдончаси ташқарисидан туриб берилган зарба Сиригу дарвозасининг яқин бурчагига бориб тушди. Шундан сўнг «ПСЖ» ўйинида бироз жонланиш сезилди ва бу 66 дақиқада ўз самарасини берди. Кевин Гамейро бошлб берган ҳужумдан кейин Эсекиел Лавесси дарвозабон билан бирга-бир чиқиб борди ва зарба берди. Бироқ Гуаита аввалига тўпни қайтарди. Ҳимоячиларнинг ортга қолиб кетгани натижасида қайтган тўпга яна Лавесси зарба бериб дарвозани ишғол қилди.

Учрашувда бошқа гол киритилмади ва натижада «ПСЖ» меҳмонда қозонилган ғалаба эвазига чорак финал йўлланмасини қўлга киритди.

Чемпионлар лигаси
1/8 финал
Жавоб учрашуви

ПСЖ (Франция) – ВАЛЕНСИЯ (Испания)1:1 (0:0)
Голлар: Лавесси (66) – Жонас (55).
ПСЖ: Сиригу, Жайе (ван дер Виль, 27), Силва, Алекс, Максвелл, Т. Мотта (Гамейро, 58), Матюиди, Шантом, Пасторе, Лукас Моура (М. Сако, 83), Лавесси.
Валенсия: Гуаита, Барраган, Матье, Руис, А. Сиссоко, Парехо, Альбельда (Банега, 46), Фегули (Пьятти, 64), Тино Коста, Жонас (Вальдес, 76), Сольдадо.
Огоҳлантиришлар: Альбельда (22), Руис (38), Лавесси (66), Сольдадо (80), Парехо (84), Банега (90).
Дастлабки учрашув – 2:1.