Ҳужумчи Килиан Мбаппе ёзда "ПСЖ"ни тарк этиб, "Реал Мадрид"га ўтса, имидж ҳуқуқининг 90 фоизига эгалик қилади.

Бу ҳақда журналист Рамон Алварес де Монт Х ижтимоий тармоғида (собиқ Twitter) хабар берди.

Аввалроқ, оммавий ахборот воситаларида футболчи билан шартнома имзолашда унинг имиж ҳуқуқи масаласи асосий масалалардан бири бўлгани ҳақида маълумотлар пайдо бўлганди.

Маълум қилинишича, томонлар Мбаппе бу ҳуқуқларнинг 60 фоизини ўзида сақлаб қолишга келишиб олганини айтганди, бироқ франциялик ҳужумчининг онаси ўғлига 100 фоиз имидж ҳуқуқи берилиши кераклигини таъкидлаган.

Эслатиб ўтамиз, аввалроқ Мбаппе Мадрид клуби билан 2029 йилгача мўлжалланган шартнома имзолагани ҳақида хабарлар тарқалган эди.