"Лацио" ҳужумчиси Чиро Иммобиле мавсум якунида Италиянинг бошқа клубига ўтиши мумкин.

Хабарингиз бор, Рим клуби сардорининг клуб мухлислари билан муносабатлари ёмонлашган - ОАВ хабарларига кўра, мухлислар бош мураббий Маурицио Саррининг истеъфосида футболчини айбламоқда.

Tuttosport хабарига кўра, 34 ёшли форвардга потенциал даъвогар аллақачон пайдо бўлган - "Интер".

"Нерадзуррилар" расмийлари яқинда италияликнинг агенти билан учрашув ўтказишди.

Чиро Иммобиленинг "Лацио" билан шартномаси 2026 йилгача мўлжалланган ва унинг трансфер қиймати 7 миллион еврони ташкил этади.