Каталониянинг “Барселона” клуби бош мураббийи Хави Эрнандес “Атлетико”га қарши ўйиндаги ғалабани кечаги ўйинда иштирок эта олмаган ўнг қанот ҳимоячиси Жоау Канселуга бағишлади.

“Канcелу жуда яхши одам, қалби катта. У "Атлетико" билан ўйинда бизга қўшила олмаслигидан жуда хавотирда эди. Биз ғалабани унга бағишлаймиз”, - деди Хави матбуот анжуманида.

Канcелу ҳамон “Манчестер Сити”га тегишли ва “Барселона”да ижара асосида ўйнайди. Жоау доимий равишда жамоада қолишни истайди, аммо "шаҳарликлар" тўлиқ трансфер учун катта миқдорда товон талаб қилмоқдалар.