"Ювентус" сўнгги натижалардан норози, шу боис улар ёзги мавсумда бош мураббийни алмаштириш имкониятини кўриб чиқмоқда. Журналист Руди Галлетти ижтимоий тармоқларда Массимилиано Аллегри мураббийлик курсисини тарк этиши мумкинлиги ҳақида хабар берди.

Қайд этилишича, “Ювентус” бош мураббийлиги учун даъвогарлар рўйхатининг бошида Тиаго Мотта ва Антонио Конте турибди.

Мотта ҳозирда "Болоня" бошқарувида яхши ишламоқда. Жамоа Италия чемпионати турнир жадвалида тўртинчи ўринни эгаллаб турибди. Контега келсак, унинг бир йилдан бери мураббийлик иши йўқ.