Италия чемпионатининг навбатдаги, 29-турида “Милан” “Верона”ни қийинчиликсиз мағлуб этди – Стефано Пиоли шогирдлари 3:1 ҳисобида зафар қучди.
“Милан” етакчилари Тео Эрнандес ва Рафаэль Леау учрашувда яна бир бор ажойиб ўйин кўрсатишди.
"Милан" устози ўз ўйинчиларининг иштирокидан жуда мамнун ва Тео ва Рафаэлни мақтади: -
"Уларнинг техник хусусиятлари ажойиб, Тео ва Рафа феноменал дуетни ташкил қилади.
Биз уларнинг ўйинидан завқланамиз. Улар бўш жой яратади ва бошқа шерикларига ўйнашга имкон беради", - дея Пиолининг сўзларини келтирмоқда pianetamilan.it.
