Италия чемпионатининг навбатдаги, 29-турида “Милан” ўз майдонида “Верона”ни қийинчиликсиз мағлуб этди – Стефано Пиоли шогирдлари 3:1 ҳисобида зафар қучди.
Сўнгги ўйиндаги биринчи голни франциялик ҳимоячи Тео Эрнандес киритди, унинг учун бу гол унинг "Милан" сафидаги 27-голига айланди ва бу "россонерилар" ҳимоячилари орасида клуб тарихидаги иккинчи энг яхши кўрсаткич ҳисобланади.
Олдинда фақат Паоло Мальдини бор, у 29 та гол урган - Эрнандесда бу мавсумда Паолога етиб олиш учун барча имконият бор. Бу эса клубнинг янги рекордига айланади.
