Лондоннинг “Арсенал” клуби собиқ ҳужумчиси Фредди Юнгберг 2006 йилги Чемпионлар лигаси финалида “канонирлар”нинг “Барселона”га мағлуб бўлгандаги ўз хотиралари билан ўртоқлашди.
Эслатиб ўтамиз, Арсен Венгер жамоаси дарвозабон Йенс Леманнинг четлатилиши туфайли учрашув бошида озчиликда қолганди.
Бироқ ўйинда “Арсенал” ҳисобни очган бўлса, иккинчи бўлим охирида “Барселона” “камбэк”ни амалга ошириб, ғалабани тортиб олганди.
"Бу финал менинг фаолиятимдаги асосий умидсизликдир. Биз бу жамоа устидан ғалаба қозонишимиз керак эди.
"Реал" ёки "Барселона"нинг баъзи ўйинчилари билан учрашганимда, улар бу учрашувда ғалаба қозона олмаганимиздан ҳайрон бўлишди.
Бу ҳали ҳам мени хафа қилади", - деди Юнгберг Бен Фостерга берган интервьюсида.
