"Интер" клуби бош директори Жузеппе Маротта жамоасини Чемпионлар лигасидан чиқиб кетишга лойиқ эмас эди деб ҳисоблайди.
Унинг фикрига кўра, агар турнирда аввалгидек меҳмондаги гол қоидаси амалда бўлганида "қора-кўклар" 1/8 финалда "Атлетико"дан ўзиб кетган бўларди.
Эслатиб ўтамиз, “Интер” ўз майдонидаги илк учрашувда 1:0 ҳисобида ғалаба қозонган, сафарда 1:2 ҳисобида имкониятни бой берганди.
Пенальтилар сериясида Мадрид клуби футболчилари аниқроқ ҳаракат қилишди ва бу уларга Чемпионлар лигасининг кейинги босқичига чиқиш имконини берди.
"Миллий чемпионатларда ҳамиша кучли жамоа ғалаба қозонади. Халқаро майдонда омад доим ҳам кучлиларга кулиб боқмайди. Агар сафардаги гол қоидаси билан эски регламент бўлганида, биз янада олдинга силжиган бўлардик.
Рақиб билан ўртамизда унчалик катта фарқ йўқ эди", - дея Мароттанинг сўзларини келтиради журналист Николо Скира.
