"Манчестер Сити" вингери Фил Фоден жорий мавсумдаги ўйин вақти ҳақида гапирди.
"Қанчалик кўп ўйнасам, ўзимни шунчалик ишончли ҳис қиламан. Ўйин амалиётимдан хурсандман.
Мен шу темпда кетишга ва жамоамга ёрдам беришда давом этмоқчиман. Дунёнинг энг яхши футболчилари билан ўйнайман ва машғулотларда ўсишда давом этаман", - дея Фоденнинг сўзларини келтиради City Zone.
Жорий мавсумда 23 ёшли Фоден барча турнирлар доирасида 42 та ўйинда майдонга тушиб, 18 та гол урди ва 10 та голли узатмани амалга оширди.
