Массимилиано Аллегри бу мавсумда истеъфога чиқарилмаса керак.
Calciomercato нашри хабарига кўра, сўнгги ўйинлардаги муваффақиятсизликларга қарамай, Аллегри бош мураббийлик лавозимида ўз ишини сақлаб қолиш имконияти сақланиб қолган.
Фақат Италия Кубогида ғалаба қозонишнинг ўзи етарли бўлмайди, ўйин даражаси ва натижаларни сезиларли даражада яхшилаш, мавсумнинг биринчи ярмида содир бўлган воқеаларга қайтиш керак.
Шу билан бирга, Аллегри ҳамон мавсумдаги мақсадини бажармоқда - Чемпионлар лигасига чиқиш. Шунингдек, айни дамда 56 ёшли мутахассисни ишдан бўшатиш варианти кўриб чиқилмаётганининг сабабларидан бири унга ҳақли бўладиган катта товон пулидир. Клуб ҳар йили мураббий ва унинг ходимлари учун тахминан 20 миллион евро (солиқлар билан бирга) сарфлайди.
Шу билан бирга, Чемпионлар лигаси ва клублар ўртасидаги жаҳон чемпионатига йўлланма товон пули тўлашни молиявий жиҳатдан мақбул қилиши таъкидланган.
Аллегрининг "Ювентус" билан шартномаси 2025 йилнинг ёзига қадар мўлжалланган.
