"Рома"нинг собиқ футболчиси Франческо Тотти Даниэле Де Росси бошчилигидаги жамоанинг муваффақиятини юқори баҳолади.
Де Росси қўл остида "Рома" А Серияда ўтказилган 9 учрашувнинг 7 тасида ғалаба қозонган.
"Мен уни дарҳол муваффақиятга эришишини кутмаган эдим. Лекин умид қилгандим! У ажойиб мураббий бўла олишини исботламоқда. Мен ҳам барча "Рома" мухлислари каби у муваффақиятга эришишда давом этишига ишонаман.
"Рома" қийин клуб. Даниэле шаҳарни ва мухлисларни билади, шунинг учун у максимал самара бериш учун барча элементларни бирлаштиради", - деди Тотти Football Italia билан суҳбатда.
