Хорватиялик мутахассис Игорь Тудор "Лацио" бош мураббийи этиб тайинланди. Бу ҳақда римликлар матбуот хизмати хабар берди. Тудор италиялик мураббий Маурицио Саррининг ўрнини эгаллади.

Тудорнинг мураббийлик фаолияти 2013 йилда, Хорватиянинг “Хайдук” клубини бошқарган пайтда бошланган. 45 ёшли мутахассиснинг сўнгги иш жойи Франциянинг "Марсель" клуби бўлган. Хорватиялик мураббий ПАОК, "Карабюкспор", "Галатасарой", "Удинезе" ва "Верона" каби жамоалар билан ҳам ишлашга муваффақ бўлди.

Ҳозирги Италия А Сериясида "Лацио" турнир жадвалида 9-ўринда бормоқда. Римликлар 29 тур натижасига кўра 43 очко тўплашди. Чемпионлар лигасида Италия жамоаси 1/8 финал босқичига чиқди ва у ерда умумий ҳисобда "Бавария"га ютқазди (1:0, 0:3).