Журналист Даниел Риоло "ПСЖ" ҳужумчиси Брэдли Барколанинг соч турмагини танқид қилди. Якшанба кунги “Монпелье”га қарши ўйинда (6:2) 21 ёшли франциялик футболчи голли узатмани амалга оширди.
"Футболчининг сочлари юзига тўкилган ҳолда юқори савияда ўйнашига тўсқинлик қилади. Унинг сочлари ўзини безовта қилмаслигига мени ишонтиришга уринманг.
Ўзига ортиқча халақит қилмаслигини истаса, уларни боғлаши керак. Агар мен унга мураббийлик қилсам: "Сен бундай ўйнай олмайсан", деган бўлардим", - деди журналист.
Аввалроқ журналист Луис Энрикенинг «ПСЖ»даги мулоқот услуби ва номувофиқлигини танқид қилганди.
