"Наполи" марказий ҳимоячиси Жоау Жезус Миланнинг "Интер" клуби футболчиси Франческо Ачерби билан бўлган жанжал тафсилотларини ошкор қилди.
Ачерби менга: “Кет, негр, сен шунчаки қора танли одамсан”, деди. Ҳакамга эътирозимдан кейин Франческо хато қилганини тан олди. У мендан олдин кечирим сўради. Ўйиндан сўнг Ачерби ўз версиясини ўзгартирди ва ҳеч қандай ирқчи ҳақорат йўқлигини таъкидлади. Бу ҳолат ҳақида бошқа айтадиган гапим йўқ", - деб ёзади бразилиялик ижтимоий тармоқларда.
Эслатиб ўтамиз, Ачерби яқинда Италия терма жамоасининг март ойидаги ўйинлари учун қайдномасидан олиб ташланган эди. Шунингдек, Франческо А Серияда 10 та ўйинга дисквалификация қилиниши мумкин.
