“Фенербаҳче” Туркия чемпионатининг 30-тур учрашувида “Трабзонспор” мухлислари жамоа футболчиларига ҳужум қилгани учун Туркия чемпионатини тарк этишга тайёр.

2 апрел куни клуб директорлар кенгашининг навбатдан ташқари йиғилиши бўлиб ўтади, унда бу масала кўриб чиқилади, дея хабар беради турк клуби матбуот хизмати.

Суперлиганинг 30-тур учрашуви ўйин тугаши ҳақидаги ҳакамнинг ҳуштаги янграганидан сўнг, “Фенербаҳче” футболчилари майдон марказида ғалабани нишонлади, бу эса мезбон мухлисларни хурсанд қилмади ва улар майдонга оммавий югуриб киришди. Шундан сўнг, меҳмон футболчилар ва мухлислар иштирокида муштлашув бўлиб ўтган эди.

Туркия чемпионати турнир жадвалида “Фенербаҳче” 79 очко билан иккинчи ўринда бормоқда.