"Реал"нинг собиқ футболчиси Эден Азар ўйнашда давом этиши мумкинми, деган саволга жавоб берди. Эслатиб ўтамиз, бельгиялик вингер 2023 йилнинг октабрида 32 ёшида фаолиятини якунлаганини эълон қилган эди.
"Бу яхши савол. Ўйлайманки, мен ўйнашда давом этишим мумкин эди, лекин жароҳатларим кўп бўлгани учун футбол билан машғул бўлмаслликка қарор қилдим. Энди мен ҳеч нарсадан афсусланмайман", деди Азар.
Фаолиятида Азар “Лилль”, “Челси” ва “Реал” клубларида ўйнаган. Бутун давр мобайнида Азар 623 та расмий ўйин ўтказиб, 167 та гол урди ва 157 та голли узатмани амалга оширди.
