Мадриднинг “Реал” клуби дарвозабони Андрей Лунин яқин кунларда ўз клубидан янги шартнома бўйича таклиф олади.

"Лос-Бланкос" раҳбарияти ва мураббийлар штаби 25 ёшли футболчининг жорий мавсумдаги ўйинидан ҳайратда. Relevo хабарига кўра, "Реал Мадрид" Лунинга "жуда яхши" таклиф билан чиқади. Музокараларнинг муваффақиятли якунланиши эҳтимоли юқори, чунки дарвозабоннинг ўзи ҳам қолишни хоҳлайди.

Андрей Лунин жорий мавсумда Карло Анчелотти жамоасида 23 та ўйин ўтказиб, 19 та гол ўтказиб юборган ва ўнта баҳсда дарвозаси дахлсизлигини сақлаган. Футболчининг Ла Лига гиганти билан амалдаги шартномаси 2025 йилнинг ўрталарига қадар тузилган.