Transfermarkt портали муҳаррирлари дунё бўйлаб ўйинчиларнинг нархини мунтазам янгилаб боради. Навбатда Франция 1-лигасига келди.
Портал энг арзонлаган футболчилар рўйхатини тақдим этди ва унга "ПСЖ" ҳужумчиси Рендалл Коло-Муани бошчилик қилди. Шундай қилиб, француз ўз нархини тахминан 15 фоизга йўқотди, аввал унинг нархи 70 миллион евро эди, ҳозир эса 60 миллион.
Ушбу антирейтингнинг иккинчи қаторини "Ланс"дан Салис Абдул-Самед эгаллади. У аввалги қийматининг учдан бир қисмини йўқотди ва ҳозир 12 миллион еврога баҳоланмоқда. Илгари унинг нархи 18 млн эди.
Учинчи ўрин 5 миллион еврога арзонлашган бир неча ўйинчиларга тегишли.
